Prey Veng Provincial Administration
រដ្ឋបាលខេត្តព្រៃវែង
| ខេត្តព្រៃវែង (Prey Veng) | |
|---|---|
 |
|
| កូអរដោនេ: 11°29′N 105°20′E កូអរដោនេ: 11°29′N 105°20′E | |
| ប្រទេស |  កម្ពុជា |
| ទីរួមខេត្ត | ក្រុងព្រៃវែង |
| ផ្ទៃក្រឡា | |
| • សរុប | ៤៨៨៣ គម២ (១៨៨៥ ម៉ាយ ការ) |
| ប្រជាជន (2008) | |
| • សរុប | ៩៤៧៣៥៧ |
| • សន្ទភាព | ១៩០/គម២ (៥០០/ម៉ាយ ការ) |
| ល្វែងម៉ោង | UTC+07 |
| Dialing code | +855 |
| ក្រមអ.ម.អ. ៣១៦៦ | KH-14 |
| ស្រុក | 12 |
| ឃំុ | 116 |
| ភូមិ | 1139 |
មាតិកា
- ១ ផ្ទៃដី
- ២ ចំនួនប្រជាជន
- ៣ បំណែងចែករដ្ឋបាល
- ៤ ស្រុក
- ៥ តំបន់ទេសចរណ៍
- ៦ សេដ្ឋកិច្ច
- ៧ អត្ថបទផ្សេងទៀត
- ៨ តំណភ្ជាប់ក្រៅ
- ៩ ឯកសារពិគ្រោះ
ផ្ទៃដី
ផ្ទៃដី សរុបគឺ ប្រហែល ៤៨៨៣ គម² ដែលស្មើទៅនិង ២,៧០% នៃផ្ទៃដីសរុបនៃប្រទេសកម្ពុជា (១៨១ ០៣៥ គម²), ដែលក្នុងនោះ ៤៤៥,១៨ គម² ឬ ៩,១២% ជាផ្ទៃដី ដែលប្រជាជន បានតាំងទីលំនៅ, ៣១០០ គម² ឬ ៦៣,៤៩% ជាដី សំរាប់កសិកម្ម, ១៩៤,៦១ គម² ឬ ៣,៩៩% ជាផ្ទៃនៃតំបន់ ព្រៃឈើ, ១០៨២,៨៦ គម² ឬ ២២,១៨% ជាដី សាធារណៈ, ហេដ្ឋារចនាសម្ព័ន និង ធារាសាស្រ្ត, និង នៅសល់ ៦០,៣៥ គម² ឬ១,២៤% ជា ដី មិនត្រូវបានប្រើប្រាស់ ។ចំនួនប្រជាជន
ចំនួន ប្រជាជនសរុបគឺ ១ ០២៥ ៣៣១ ឬ ៧,៦៤% នៃចំនួនប្រជាជនសរុបនៃប្រទេសកម្ពុជា ១៣ ៤១៣ ៨៩២ នាក់ (២០០១, ទិន្នន័យខេត្ត) ជាមួយនឹងកំនើនប្រជាជន ចំនួន ២,៤០%, ដែលក្នុងនោះ ៤៨៣ ៧៥៩ នាក់ ឬ ៤៧,១៨% ជាបុរស និង ៥៤១ ៥៧២ នាក់ ឬ៥២,៨២% ជានារីភេទ ។ នៅក្នុងចំនួនខាងលើនេះដែរ ៨២៥ ៨១៨ នាក់ ឬ ៨០,៥៤% ជាកសិករ, ១៤០ ៦៨៥នាក់ ឬ ១៣,៧២% ជាអ្នករកត្រី, ៤៤ ៥៦១ នាក់ ឬ ៤,៣៥% ជាអ្នកជួញ, ១៤ ២៦៧ នាក់ ឬ១,៣៩% ជា អ្នកធ្វើការ រាជការ។ដង់ស៊ីតេជាមធ្យមនៃខេត្តនេះ គឺ ២០៩,៩៨ នាក់ ក្នុងមួយគីឡូម៉ែតការ៉េ ។
បំណែងចែករដ្ឋបាល
ខេត្តនេះត្រូវបានបែងចែកជា ១២ ស្រុក ក្នុងនោះ រួមមាន ១១៦ ឃុំ ១១៣៩ ភូមិ៖ស្រុក
- ១៤០១ ក្រុងព្រៃវែង
- ១៤០២ ស្រុកកំចាយមារ
- ១៤០៣ ស្រុកកំពង់ត្របែក
- ១៤០៤ ស្រុកកញ្ច្រៀច
- ១៤០៥ ស្រុកមេសាង
- ១៤០៦ ស្រុកពាមជរ
- ១៤០៧ ស្រុកពាមរ
- ១៤០៨ ស្រុកពារាំង
- ១៤០៩ ស្រុកព្រះស្ដេច
- ១៤១០ ស្រុកស្វាយអន្ទរ
- ១៤១១ ស្រុកបាភ្នំ
- ១៤១២ ស្រុកស៊ីធរកណ្ដាល
- ១៤១៣ ស្រុកពោធិរៀង
តំបន់ទេសចរណ៍
- រមណីយដ្ឋាននគរភ្នំ : រមណីយដ្ឋានគំរូស្ថិតនៅក្នុងស្រុកបាភ្នំ គឺជារមណីស្ថានមួយដែលមានទេសចរជាច្រើនមកពីតំបន់ផ្សេងៗ ជួបជុំគ្នាដើម្បីប្រារព្ធធ្វើពិធីសាសនាតាមលទ្ធិព្រាហ្មណ៍មួយ គឺ បុណ្យឡើង អ្នកតាមេសរ ដែលមានរយៈពេល ៣ ថ្ងៃ ។ ប្រជាជនតែងប្រារព្ធធ្វើបុណ្យឡើង អ្នកតាមេសរ រៀងរាល់ឆ្នាំ ព្រោះពិធីនេះគឺជាទំនៀមទម្លាប់មានតាំងពីបុរាណ ។ ប្រជាជនខ្មែរតែងនាំគ្នាប្រារព្ធធ្វើពិធីនេះដើម្បីរំលឹក គុណបុព្វបុរស ដើម្បីសុំសេចក្ដីសុខ សុំទឹកភ្លៀង និង ជាពិសេសដើម្បីសុំអ្នកតាមេសរជួយការពារសុវត្ថិភាព និង សន្តិសុខជូនប្រជាជន ។
- ប្រាសាទព្រះវិហារច័ន្ទ : ស្ថិតនៅក្នុងស្រុកបាភ្នំ ។
- ទំនប់ស្នេហ៍ : ស្ថិតនៅក្នុងស្រុកបាភ្នំ ប៉ុន្តែទីនេះមិនទាន់មានការរៀបចំកែច្នៃឲ្យក្លាយទៅជា រមណីស្ថានគួរជាទីទាក់ចិត្តនៅឡើយទេ ។
- មជ្ឈមណ្ឌលភ្ញាស់កូនត្រីពូជភូមិបាទី : ឃុំពាមរក៍ ស្រុកពាមរក៍ ។
- បូជនីយដ្ឋានបារាយអណ្តែត : ភូមិបារាយណ៍អណ្តែត ឃុំបារាយណ៍ ស្រុកកំពង់លាវ ។
- វាលចុងម៉ម : ភូមិលេខ១ ឃុំកំពង់លាវ ស្រុកកំពង់លាវ ។
- ប្រាសាទព្រៃដើមស្រុក : ឃុំព្រៃទទឹង ឃុំព្រៃចង្ក្រាន ស្រុកស៊ីធរកណ្តាល ។
- វិស័យឧស្សាហកម្ម :
- វិស័យទេសចរណ៍ : មានតែ ២ ស្រុកប៉ុណ្ណោះដែលប្រជាជននៅក្នុងខេត្តនេះទាញប្រយោជន៍ពីវិស័យ ទេសចរណ៍ គឺទីប្រជុំជន ឃុំព្រែកខ្សាយ "ខ" ស្រុកពាមរក៍ និង ទីរួមខេត្តស្រុកកំពង់លាវ ។
សេដ្ឋកិច្ច
រាល់ ឆ្នាំខេត្តព្រៃវែងទទួលដីភក់ដែលទន្លេ ស្ទឹង និង ព្រែកមួយចំនួននាំយកមកចាក់ក្នុងស្រែចម្ការនានានៅក្នុងរដូវ វស្សា ដូច្នោះហើយទើបធ្វើឲ្យតំបន់នេះមានជីជាតិល្អងាយស្រួលដាំដុះ ស្រូវនិងដំណាំផ្សេងៗនៅក្នុងវិស័យកសិកម្ម និង ប្រមូលជលផលផ្សេងៗ ។ ខេត្តនេះត្រូវបានទទួលស្គាល់ជាទូទៅថាជា "ខ្សែក្រវាត់បៃតងធំ" នៃប្រទេសកម្ពុជា ។ ធញ្ញជាតិសំខាន់ជាងគេរបស់ខេត្តព្រៃវែងគឺស្រូវ ដែលខេត្តនេះចូលរួមចំនួន ១០ ភាគរយនៃផលិតផលស្រូវសរុបរបស់ប្រទេស ។ លើសពីនោះទៀត ប្រជាកសិករនៅក្នុងខេត្តព្រៃវែងក៏ប្រមូលផលថ្នាំជក់ សណ្តែកបាយ ស្ករអំពៅ ស្ករត្នោត ដំឡូងឈើ (ដំឡូងមី ឬ ដំឡូងបារាំង) ល្ង និង ផ្លែឈើច្រើនប្រភេទទៀត ដូចជា ដូង ស្វាយ ស្វាយចន្ទី ។ កាលពីអតីតកាល ដើមកៅស៊ូក៏បានដើរតួសំខាន់ផងដែរនៅក្នុងសេដ្ឋកិច្ចនៃខេត្តនេះ ក៏ប៉ុន្តែចម្ការកៅស៊ូត្រូវបានបោះបង់ចោលនៅក្នុងសម័យសង្គ្រាម បង្ហូរឈាមជាច្រើនទសវត្សកន្លងទៅ ។ ទោះបីខេត្តនេះពឹងផ្អែកយ៉ាងខ្លាំងលើវិស័យកសិកម្មក៏ដោយ ក៏ខេត្តនេះនៅតែជាខេត្តក្រីក្រជាងខេត្តដទៃទៀតនៅក្នុងប្រទេស កម្ពុជា ។ អត្រានៃប្រជាជនរស់នៅក្រោមខ្សែបន្ទាត់ក្រីក្រ គឺជាមធ្យមប្រហែល ៥៣ ភាគរយ ពោលគឺ ៣៦ ភាគរយក្រោមខ្សែបន្ទាត់នៃភាពក្រីក្រទូទាំងប្រទេស ។ លើសពីនោះទៀត តួលេខនៃប្រជាជនចូលមករស់នៅក្នុងខេត្តគឺធ្លាក់ចុះយ៉ាងច្រើន បានន័យថាចំនួនប្រជាជនចាកចេញពីខេត្តព្រៃវែងកាន់តែកើនឡើងរាល់ ឆ្នាំ ព្រោះពួកគេធ្វើចំណាកស្រុកទៅរស់នៅតាមខេត្តក្រុងផ្សេងៗដើម្បី ប្រកបរបរចិញ្ចឹមជីវិត ។ផ្សារផ្សោសំខាន់ៗនានានៅក្នុងខេត្តព្រៃវែងមានដូចជា ៖
1.
កញ្ជ្រៀច
2.
កន្ទួត
3.
កអណ្ដើក
4.
កំចាយមារ
5.
កំពង់ត្របែក
6.
កំពង់សិង្ហ
7.
ក្របៅ
8.
ច្រេះ
9.
ជើងទឹក
10.
ឈើកាច់
11.
ទ្រា
12.
បន្ទាយចក្រី
13.
បាភ្នំ
14.
បេងបុរី
15.
ពាមុន្ទារ
16.
ព្រៃវែង
17.
ភូមិរោង
18.
មេសាង
19.
ល្វា
20.
សាលាឃុំ
21.
ស្នាយពល
22.
ស្នេហ៍
23.
ស្វាយសុខា
24.
ស្វាយអន្ទរ
25.
ស្វាយអាង៉ោង
26.
អ្នកលឿង
27.
អ្នកលឿងក្រោម
0 comments:
Post a Comment